Yr hyn y mae CAFOD yn ei wneud

Mae Constantino Pereira Vicente, 45, yn aelod o grðp ffermwyr Hadomi Malu, a ariennir gan CAFOD, yn Suai, Dwyrain Timor. [Jim Holmes]

Mae CAFOD yn codi arian oddi ar y gymuned Gatholig yng Nghymru a Lloegr, llywodraeth y DU a’r cyhoedd fel ei fod yn gallu:

• hyrwyddo datblygiad tymor hir
• ymateb i argyfyngau
• dynodi achosion tlodi a chynyddu ymwybyddiaeth y cyhoedd ohonynt
• siarad ar ran cymunedau tlawd
• hybu datblygiad dynol a chyfiawnder cymdeithasol yn dystiolaeth i’r ffydd Gristnogol a gwerthoedd yr efengyl.

Datblygiad

Mae CAFOD yn gweithio gyda chymunedau lleol mewn 64 o wledydd i’w helpu i gyflenwi eu hanghenion eu hunain. Gwna hyn drwy gyfrwng mwy na 500 o fudiadau partner – mudiadau lleol ymddiriedir ynddynt ac sydd wedi eu staffio gan bobl leol sy’n gweithio i leihau tlodi.

Mae partneriaid tramor CAFOD yn gweithio ar:

• ddatblygiad tymor hir: gwella argaeledd bwyd a dulliau ffermio, helpu i ddarparu gwell lloches, dŵr, gofal iechyd ac addysg, i ddatblygu bywoliaethau gwell a gwella incwm.
• lobio ac ymgyrchu i wireddu hawliau dynol sylfaenol, gan gynnwys hawliau economaidd, cymdeithasol a diwylliannol megis yr hawl i dir neu gyflog dda ac amodau gwaith.
• gymorth mewn argyfwng: helpu pobl sydd dan effaith gwrthdaro a thrychinebau megis sychder, llifogydd a phrinder bwyd. Mae’n darparu cymorth argyfwng – bwyd, lloches, gofal iechyd – lle y bo hynny’n bosibl.

Ymgyrchu

Mae cannoedd ar filoedd o bobl yn ymgyrchu gyda CAFOD i herio’r strwythurau a’r polisïau sy’n cadw pobl yn dlawd.

Mae ymgyrchwyr yn gwneud hyn drwy ysgrifennu at Asau a gweinidogion y llywodraeth, drwy fynychu protestiadau heddychlon, lobïo llywodraethau a chyrff rhyngwladol perthnasol megis yr Undeb Ewropeaidd, a thrwy ofalu bod eraill yn eu cymunedau lleol yn ymwybodol o’r anghyfiawnderau y mae’n rhaid eu dilyn.

Lobïo ac eiriolaeth

Mae tîm polisïau CAFOD wedi cyhoeddi ymchwil a dadansoddiadau ar faterion mor wahanol â masnach annheg, dyled, llafur plant a ffrwydron tir.

Mae’n cynnig awgrymiadau ar sut y gall polisïau llywodraethau, busnesau a chyrff rhyngwladol megis Banc y Byd a Mudiad Masnach y Byd gael effaith bositif yn hytrach nag un negyddol ar gymunedau tlawd.

O le y daw’r arian

Mae CAFOD yn codi arian drwy Ddyddiau Ymprydio yn ystod y Grawys a Diolchgarwch, drwy apêl Adfent a thrwy gynlluniau codi arian tymor hir megis Heddiw, Yfory, Gyda’n Gilydd. Mae hefyd yn cael arian drwy gymunroddion, rhoddion yn dilyn apeliadau argyfwng a grantiau gan lywodraeth y DU a chyrff eraill megis yr Undeb Ewropeaidd.

Addysg

Mae tîm Addysg CAFOD yn darparu adnoddau a chefnogaeth i gannoedd o ysgolion a grwpiau ieuenctid ledled Cymru a Lloegr, yn eu helpu i godi arian ac ymwybyddiaeth o faterion datblygu.

Trwy gysylltu â’r cwricwlwm cenedlaethol, mae CAFOD yn darparu dealltwriaeth a syniadau am weithredu ar faterion mor amrywiol â masnach, globaleiddio, yr amgylchedd a milwyr sy’n blant, gan helpu pobl ifanc i ddatblygu teimladau o gyfrifoldeb a dinasyddiaeth fydol.

Gwirfoddoli

Mae CAFOD wedi ymrwymo’n gadarn i weithio gyda gwirfoddolwyr mewn partneriaeth. Mae gwirfoddolwyr yn cyflawni gwaith pwysig ar ran CAFOD ledled Cymru a Lloegr.

Mae gwirfoddolwyr yn cael eu recriwtio trwy swyddfeydd rhanbarthol CAFOD i weithio fel Cysylltiadau Plwyfol neu mewn ysgolion, i helpu pobl ifanc ddeall materion datblygu anodd. Caiff gwirfoddolwyr eu recriwtio hefyd i ymgyrchu ac i ennyn sylw gan y cyfryngau ar gyfer gwaith CAFOD yn lleol.

take action

Give For every £1 given to our Give it up! appeal this Lent, including Lent Fast Day, the government will donate another £1 – doubling your donation and changing even more lives

Pray 884 million people do not have access to clean, safe water. Pray with us this Lent that waters may flow and injustice may be washed away.

Act Help us turn the tide on water poverty. Join our Thirst for change campaign and ensure world leaders hear our call: taps and toilets for all.